Qazaqstan Prezidenti shet memleketter men halyqaralyq uiymdardyń basshylary jáne delegatsiialary kelgen «Bir beldeý, bir jol» atty Beijińdegi halyqaralyq yntymaqtastyq forýmyna qatysty, - dep habarlaidy "Ult aqparat".
Qytai Halyq Respýblikasynyń Tóraǵasy Si Tszinpin qatysýshylardy quttyqtap, sóz sóiledi.
"Qazirgi protsesterge qaraǵanda adamzat qaýymdastyǵynyń álemdik tarihy zor damý dáýirinen, tereń ózgerister men jańǵyrýlardan ótip jatyr. Álem elderi qazirgidei tyǵyz bailanysyp kórmegen, halyqtardyń tamasha ómirge degen jigerli talpynysy men qiyndyqtardy ótkerýge degen quraly jeter shegine jetip otyr. (...) 2013 jyldyń kúzinde Qazaqstanda, keiin Indoneziiada Jibek joly ekonomikalyq belbeýi qurylysyn birigip salý bastamasyn kóterdim jáne halyqaralyq uiymdar bul jobanyń qurylysyna qoldaý bildirdi", - dedi QHR tóraǵasy.
Si Tszinpinniń aitýynsha, Jańa Jibek joly jobasy qatysýshy elerdiń qazaqstandyq "Nurly jol" saiasaty sekildi beibit damý bastamalaryn biriktiredi.
Forýmnyń basty maqsaty - yntymaqtastyqty jandandyrý baǵyttaryn talqylaý, ózara is-qimyl platformalaryn qalyptastyrý jáne yntymaqtastyq nátijeleri boiynsha tájiribe almasý.
Is-sharada infraqurylymdyq bailanys, saýda-ekonomikalyq yntymaqtastyq, ónerkásiptik investitsiialar, energetika men resýrstar, qarjylyq qoldaý, qorshaǵan ortany qorǵaý siiaqty mańyzdy máseleler talqylanatyn bolady.
