- QR Ulttyq banktiń qolma-qol aqsha basqarmasynyń bastyǵy Toǵjan Ábishevanyń aitýynsha, jańa kýpiýranyń taralymy sondai, oǵan ie bolǵan adam odan aiyrylmaýǵa tyrysady, dep xabarlaidy Ult.kz tilshisi QazAqparat agenttigine silteme jasap.
Jańa banknotta zamanaýi qorǵanysh elementteri jinaqtalǵan. «Birinshiden, arnaiy jolaqta Astananyń ponoramalyq kórinisteri, oiý-órnekter jáne taǵy basqa ulttyq naqyshtaǵy sýretter beinelengen. Kýpiýranyń bet jaǵynda damý men jańǵyrýdyń simvoly - ómir aǵashy kórinis tapqan. Álbette, basty sýret ol - Prezident Nursultan Nazarbaevtyń portreti. Ony intaglio ádisimen jasaǵan, bul - releftik baspa. Jalpy, jańa banknotta onǵa jýyq qorǵanysh elementteri bar», - deidi T.Ábisheva.
Jańa kýpiýranyń taralymy shekteýli. Ony jeltoqsannyń 1-i - Prezident kúnine orai shyǵarý josparlanyp otyr. «Taralymy - 100 myń dana. Ol aqshamen esep aiyrysýǵa ábden bolady. Biraq ondai kýpiýraǵa ie bolǵan adam odan aiyrylmaýǵa tyrysatyn siiaqty», - deidi basqarma bastyǵy.
Aita keteiik, búgin Astanadaǵy Beibitshilik pen kelisim saraiynda ótken «Qazaqstan Táýelsizdigine 25 jyl: ulttyq valiýta» taqyrybyndaǵy konfereniia aiasynda QR Ulttyq bankiniń tóraǵasy Daniiar Aqyshev Memleket basshysy Nursultan Nazarbaev beinelengen jańa 10 000 teńgelik banknotty tanystyrdy.
.jpeg)