QR Prezidenti Nursultan Nazarbaev Astanada Dostyq úiin ashýdy tapsyrdy, dep habarlaidy "Ult aqparat".
«Menińshe, Astana qalasynda dostyq úiin ashatyn kez keldi. Ondai nysandar jergilikti jerde bar. Endi, ondai úidi elordada ashý qajet. Ol úshin myna ǵimaratty (Beibitshilik jáne kelisim saraiy - avt.) olarǵa berý kerek. Sebebi úsh jylda bir ret Álemdik jáne dástúrli dinder sezi ótip turady. Biyl IV sezd ótedi. Degenmen, basqa ýaqytta osy ǵimaratty Dostyq úii retinde paidalanýǵa bolady. Ol barlyq respýblika boiynsha Ortalyq dostyq úii bolady», - dedi N.Nazarbaev Qazaqstan halqy Assambleiasynyń XXVI sessiiasynda.
Sondai-aq Memleket basshysy Astanada ashylatyn Dostyq úiinde Qazaqstan halqy Assambleiasynyń ǵylymi-zertteý ortalyǵyn ashýdy tapsyrdy.
«Qazir bári Qazaqstan halqy Assambleiasy týraly suraidy. Ony qalai uiymdastyrdyq? Qalai iske asyrdyq? Mine, osynyń bárin zerttep jazatyn bir ortalyq bolýy qajet. Jańa kitaptardy, jańa shyǵarmalardy basý kerek. Qazaqstan halqy Assambleiasyn qalai qurǵanymyzdy bárine kórsetken jón. Sosyn, alda áli kóp maqsattar tur. Problemalar da bar. Sonyń bárin sheshý kerek. Qandai máselelerdi eskermedik? Ǵylymi-zertteý ortalyǵy osyny jan-jaqty zertteýi tiis», - dep atap kórsetti N.Nazarbaev.
Aita keteiik, búgin Beibitshilik jáne kelisim saraiynda Elbasy Nursultan Nazarbaevtyń tóraǵalyǵymen Qazaqstan halqy Assambleiasynyń XXVI sessiiasy bastaldy.
