Aqordada memlekettik basqarý júiesindegi taǵaiyndaýlarǵa bailanysty BAQ ókilderine arnalǵan brifing ótti, - dep habarlaidy "Ult aqparat" Aqordaǵa silteme jasap.
Nursultan Nazarbaev Úkimettegi jáne birqatar memlekettik organdardaǵy jańa taǵaiyndaýlar men qurylymdyq ózgeristerge túsinikteme bere otyryp, olardyń qazirgi syn-qaterlerdi laiyqty eńserý qajettiliginen týyndaǵanyn aitty.
"Jaqynda oblystardyń, Astana men Almaty qalalary ákimderiniń qatysýymen ótken Úkimettiń keńeitilgen otyrysynda daǵdaryspen kúres jumysynan ekonomikanyń ósimin yntalandyrý baǵdarlamasyna kóshý jónindegi sharalar talqylandy. Bul qosymsha jumys oryndaryn ashýdy, atap aitqanda, aýyl sharýashylyǵynda, turǵyn-úi qurylysynda jáne basqa da salalarda halyqtyń tabysyn arttyrýdy kózdeidi. Osyǵan bailanysty jańa ministrler kabineti aldyna naqty mindetter qoiyldy. Úkimet quramynda jasalǵan ózgerister basqarýshylardyń jańa býynynyń, sonyń qatarynda "Bolashaq" baǵdarlamasy túlekteriniń de ýaqyty kelgenin kórsetedi", - dedi Memleket basshysy.
Sonymen qatar, Nursultan Nazarbaev jasalǵan ózgerister halyqtyń ál-aýqatyn arttyrýǵa, ekonomikalyq kórsetkishterdi jaqsartýǵa, ulttyq qaýipsizdikti qamtamasyz etýge jáne Qazaqstannyń qarqyndy damýyna baǵyttalǵanyn atap ótti.
