Memleket basshysy Nursultan Nazarbaev baqyt degen ne jáne onyń ólsheýi nede degen suraqtarǵa jaýap berdi.
Aqordanyń Instagram jelisindegi resmi paraqshasynda prezident suhbatynyń úzindisi jariialanǵan.
"Baqyt degen uzaq bolmaidy. Bári baqytty máńgilik dep sanaidy. Al shyndyǵynda ol – qas qaǵym sát. Baqyt degenimiz - nemerelerim men balalarymnyń jup-jumsaq qoldarymen moiynymnan qushaqtaǵany. Mine, baqyt degen osy", — dep oiymen bólisedi Elbasy.
Nazarbaevtyń aitýynsha, London ýniversitetteriniń biri júrgizgen saýalnamaǵa sáikes 15 myń qatysýshy baqyttyń ólshemi – balalary men otbasy dep jaýap bergen eken.
