Nursultan Nazarbaev Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Qairat Qojamjarovty qabyldady, - dep habarlaidy "Ult aqparat" Aqordaǵa silteme jasap.
Kezdesýde Q.Qojamjarov Elbasyny agenttiktiń qazirgi qyzmeti týraly habardar etip, «100 naqty qadam» ult josparyn iske asyrý aiasynda atqarylyp jatqan jumystar jóninde baiandady.
Nursultan Nazarbaev ortalyq memlekettik jáne jergilikti atqarýshy organdardaǵy bos turǵan oryndardy qysqartý, sondai-aq eńbekaqy tóleý qorynyń qarajatyn qaita bólý arqyly engizilip jatqan memlekettik qyzmetshilerdi yntalandyrýdyń bonýstyq júiesiniń mańyzdylyǵyn atap ótti.
Q.Qojamjarov «B» korpýsyndaǵy memlekettik qyzmetshilerdi attestatsiialaý barysy týraly habarlap, attestatsiiadan ótýshiler jaqsy nátije kórsetip jatqanyn aitty. Agenttik tóraǵasynyń aqparaty boiynsha, búginge deiin Joǵary attestatsiialyq komissiianyń 14 otyrysy bolyp, respýblikalyq deńgeide 700-den astam qyzmetker áńgimelesýden ótken.
Sondai-aq, agenttik tóraǵasy «A» basqarýshy korpýsyn reformalaýǵa qatysty usynystar jóninde baiandady. Onda qyzmetkerlerdiń osy sanatyna jatatyn laýazymdar qataryn qysqartý kózdelgen.
Qazaqstan Prezidenti sybailas jemqorlyqpen kúresý, udaiy onyń aldyn alý jumysyn sapaly júrgizý qajettigine de nazar aýdardy.
– Qylmystyq qýdalaý tek zań aiasynda ǵana júzege asyrylýǵa tiis. Azamattardy salmaqty negizdersiz jáne bultartpaityn dáleldersiz tutqyndaýǵa bolmaidy, – dedi Nursultan Nazarbaev.
Memleket basshysy kezdesý qorytyndysy boiynsha birqatar naqty tapsyrma berdi.
