Májilis depýtaty Aidos Sarym belgili jýrnalist Nartai Aralbaiulyna bergen suhbatynda Nazarbaev áýleti músheleriniń qaida júrgenin aitty, dep habarlaidy Ulysmedia.kz.
«Qazaqstannan shyqqan úsh myńnan astam adam Dýbaidaǵy 1 mlrd dollardyń múlkin ielenip otyr. Bizde milliarderlerge qyzmet etetin pysyqailar bar. Sol siiaqtylar shyǵar azamattyq alǵan. Nazarbaev áýletiniń birazy Dýbaida júr. Sháripbaevtyń, Satybaldynyń áńgimesi bar. Estýimshe, «Samat Ábishke order berilipti» degen áńgime bar. Árine, bir-eki týystaryń qylmysty bolsa, múlki tárkilense unamaidy ǵoi. Olar da oilanyp, kúdiktenedi», – dedi májilismen.
Sondai-aq, depýtat Nursultan Nazarbaevtyń Qazaqstan tarihyndaǵy orny eleýli ekenin joqqa shyǵarýǵa bolmaitynyn aitty.
«Konstitýtsiiadan Elbasy ataǵyn alyp tastaǵany Nursultan Nazarbaevtyń júregine batatyn shyǵar. Biraq bireýge unasyn, unamasyn bir sóz aitaiyn. Nusrultan Nazarbaev – Qazaqstan tarihynyń myzǵymas bir bóligi. Osy memleket qalatyn bolsa Nazarbaevtyń aty atalady. Saiasat degen aq pen qaranyń qaqtǵysy emes, álem túrli-tústi», – dedi Aidos Sarym.
