مەجٸلٸس دەپۋتاتى ايدوس سارىم بەلگٸلٸ جۋرناليست نارتاي ارالبايۇلىنا بەرگەن سۇحباتىندا نازارباەۆ ەۋلەتٸ مٷشەلەرٸنٸڭ قايدا جٷرگەنٸن ايتتى, دەپ حابارلايدى Ulysmedia.kz.
«قازاقستاننان شىققان ٷش مىڭنان استام ادام دۋبايداعى 1 ملرد دوللاردىڭ مٷلكٸن يەلەنٸپ وتىر. بٸزدە ميللياردەرلەرگە قىزمەت ەتەتٸن پىسىقايلار بار. سول سيياقتىلار شىعار ازاماتتىق العان. نازارباەۆ ەۋلەتٸنٸڭ بٸرازى دۋبايدا جٷر. شەرٸپباەۆتىڭ, ساتىبالدىنىڭ ەڭگٸمەسٸ بار. ەستۋٸمشە, «سامات ەبٸشكە وردەر بەرٸلٸپتٸ» دەگەن ەڭگٸمە بار. ەرينە, بٸر-ەكٸ تۋىستارىڭ قىلمىستى بولسا, مٷلكٸ تەركٸلەنسە ۇنامايدى عوي. ولار دا ويلانىپ, كٷدٸكتەنەدٸ», – دەدٸ مەجٸلٸسمەن.
سونداي-اق, دەپۋتات نۇرسۇلتان نازارباەۆتىڭ قازاقستان تاريحىنداعى ورنى ەلەۋلٸ ەكەنٸن جوققا شىعارۋعا بولمايتىنىن ايتتى.
«كونستيتۋتسييادان ەلباسى اتاعىن الىپ تاستاعانى نۇرسۇلتان نازارباەۆتىڭ جٷرەگٸنە باتاتىن شىعار. بٸراق بٸرەۋگە ۇناسىن, ۇناماسىن بٸر سٶز ايتايىن. نۇسرۇلتان نازارباەۆ – قازاقستان تاريحىنىڭ مىزعىماس بٸر بٶلٸگٸ. وسى مەملەكەت قالاتىن بولسا نازارباەۆتىڭ اتى اتالادى. ساياسات دەگەن اق پەن قارانىڭ قاقتعىسى ەمەس, ەلەم تٷرلٸ-تٷستٸ», – دەدٸ ايدوس سارىم.
