Qazaqstan Prezidenti Astana qalasynyń nysandaryn aralady, - dep habarlaidy "Ult aqparat" Aqordaǵa silteme jasap.
Memleket basshysy jospardan tys jumys sapary barysynda elordanyń oń jaǵalaýyndaǵy temirjol vokzalynyń qyzmetimen tanysyp, vokzal mańyndaǵy alańda qala qonaqtarymen, turǵyndarmen kezdesti.
Nursultan Nazarbaev «Saryarqa» aýdanynyń turǵyndarymen áńgimelesip, olarǵa tabys pen baq-bereke tiledi, sondai-aq qalanyń kommýnaldyq sharýashylyq salasy qyzmetiniń jumysy týraly oilaryn tyńdady.
– Men jas maman retinde 10 jylǵa jýyq páter kezeginde turdym. Qazir zaman basqa. Umtylyssyz eshteńege qol jetpeidi. Tabysqa jetý úshin jatpai-turmai jumys isteý qajet, sonda ǵana eńbektiń jemisin tata alasyzdar, – dedi Elbasy «Saryarqa» aýdanyndaǵy turǵyn úi kesheniniń biriniń turǵyndarymen áńgimelesý barysynda.
Qazaqstan Prezidenti qalanyń qysqy maýsymnan keiingi jaǵdaiynyń jaqsy ekenine toqtalyp, shahardyń qyzmet kórsetý mekemeleri jumysynyń nátijelerin jáne elordany abattandyrý, tazalyqty saqtaý jumystaryn jalǵastyrý qajettigin atap ótti.
Memleket basshysy avtomobil joldaryndaǵy keptelis problemalary men kólik qoiatyn oryndardyń jetispeýshiligine nazar aýdardy.
– Joldarda kólik óte kóp. Qala basshylyǵy bul máseleni sheshýdiń joldaryn qarastyrýy kerek. Qajet bolǵan jaǵdaida, sheteldik tájiribe zerttelýge tiis. Sonymen qatar túrli ǵimarattardyń, saýda úileri men dúkenderdiń ieleri áriptesterimen birlesip, óz aýmaǵyndaǵy tazalyq pen tártipti qamtamasyz etýi qajet, – dedi Elbasy.
Nursultan Nazarbaev qalanyń «EKSPO-2017» halyqaralyq kórmesine ýaqtyly daiyndyǵynyń mańyzdylyǵyn aityp, barlyq turǵyndardy elordany kógaldandyrý isine belsene atsalysýǵa shaqyrdy.
