Qaýipsizdik Keńesiniń Tóraǵasy Nursultan Nazarbaev Áset Isekeshevti qabyldady. Bul týraly elbasy.kz saity habarlady.
Kezdesýde Qazaqstannyń Tuńǵysh Prezidentine Qaýipsizdik Keńesiniń otyrysynda berilgen tapsyrmalardyń oryndalý barysy týraly baiandaldy.
«Biz Qaýipsizdik Keńesiniń otyrysyn ótkizip, onda mańyzdy máselelerdi talqyladyq. Tiisti Strategiiany bekittik, sonyń aiasynda jumys atqarý qajet. Qaýipsizdik Keńesiniń Apparaty onda aiqyndalǵan mindetterdiń júzege asyrylý barysyn qadaǵalaýǵa tiis», – dedi Elbasy.
Sondai-aq Nursultan Nazarbaev otandyq áskeri-ónerkásiptik keshendi damytý máselesine erekshe nazar aýdardy.
Áset Isekeshev 2021-2025 jyldarǵa arnalǵan Ulttyq qaýipsizdik strategiiasyn júzege asyrý jónindegi sharalar josparyn daiyndaý barysy týraly baiandady. Sonymen birge Apparattyń azamattardyń qaýipsizdigine tóngen qaýip-qaterlerdi anyqtaý, aldyn alý men beitaraptandyrýdyń júieli sharalaryn ázirleýge baǵyttalaǵan jumysy jaily aityp berdi.
