Memleket basshysy Nursultan Nazarbaev Astana qalasynyń ákimi Áset Isekeshevti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Kezdesýde Qazaqstan Prezidentine elordanyń áleýmettik-ekonomikalyq damýy jáne Astananyń 20 jyldyǵyn merekeleýge daiyndyq barysy jóninde málimdeldi.
"2017 jyldyń qorytyndysy boiynsha qalanyń áleýmettik-ekonomikalyq damý kórsetkishi 2 esege jýyq artty. Ónerkásip 7 paiyzǵa ósti. Sońǵy bes jyl ishinde 46 indýstrialdyq joba bir trillion teńge kiris ákeldi", - dedi Áset Isekeshev.
Sondai-aq, Nursultan Nazarbaevqa negizgi kapitalǵa tartylǵan jeke investitsiialar kólemi ulǵaiyp, esepti kezeń ishinde onyń úlesi 70 paiyz bolǵany týraly baiandaldy.
"Ótken jyly 2,4 million sharshy metr turǵyn úi salynyp, rekordtyq kórsetkishke qol jetkizilgen edi. Biz qazir jeke investorlar men ulttyq kompaniialar esebinen qalanyń tórt aýdanynda qurylys jumystaryn júrgizip jatyrmyz", - dedi Astana qalasynyń ákimi.
Áset Isekeshev Nursultan Nazarbaevqa elordadaǵy infraqurylymdyq jobalardyń iske asyrylý barysy men Astana mańynda jańa joldar salý jospary jóninde málimdedi.
Memleket basshysy elordada basqa óńirlerdiń ákimdikterimen birlesip salynǵan birqatar áleýmettik nysannyń qurylysyna qatysty jumystardy oń baǵalady.
Qazaqstan Prezidenti kezdesý sońynda naqty tapsyrmalar berdi.
