Nursultan Nazarbaev Armeniia respýblikasynyń Prezidenti Armen Sarkisianmen telefon arqyly sóilesti, - dep habarlaidy "Ult aqparat" Aqordaǵa silteme jasap.
Memleketter basshylary áńgimelesý barysynda Armeniiadaǵy qazirgi ishki saiasi ahýal jóninde pikir almasty.
Nursultan Nazarbaev dostas Armeniia halqyna beibit ómir men tynyshtyq tilep, barlyq múddeli taraptyń týyndaǵan saiasi daǵdarysty Armeniia Konstitýtsiiasyna sáikes jáne zań ústemdigi negizinde dialog arqyly sheshýiniń mańyzdy ekenin atap ótti.
Telefon arqyly sóilesýge Armeniia jaǵy bastamashy bolǵany aitylady.
Eske salaiyq, Serj Sargsian Armeniiadaǵy on kúnge sozylǵan narazylyq aktsiialaryna bilanysty dúisenbide otstavkaǵa ketken edi. Prezident Sarkisian ministrler kabinetiniń otstavkasyn qabyldady.
Eldi 2008 jyldan beri basqaryp kele jatqan Sargsiandy Armeniia premeri etip taǵaiyndaýǵa qarsylyq 13 sáýirde bastalǵan. Jańa parlementtik respýblika (9 aqpannan bastap) zańdary boiynsha eldi premer basqarady. Oppozitsiia Sargsiandy ekonomikalyq jaǵdaidyń nasharlaýyna ákeldi dep aiyptap, 17 sáýirde "barqyt tóńkerisi" bastalǵanyn málimdegen. Jalpy narazylyqqa qaramastan, Armeniia parlamenti 17 sáýirde Sargsiandy úkimet basshysy etip taǵaiyndaǵan bolatyn.
