QR Tuńǵysh Prezidenti – Elbasy Nursultan Nazarbaev elordada ótip jatqan Aziiadaǵy ózara is-qimyl jáne senim sharalary keńesi Syrtqy ister ministrleriniń 6-kezdesýine qatysýshylarǵa quttyqtaý joldady. Úndeýdi is-shara barysynda QR Syrtqy ister ministriniń orynbasary Aqan Rahmetýllin oqyp berdi, dep habarlaidy QazAqparat.
QR Tuńǵysh Prezidenti quttyqtaýynda keńestiń elderdi saiasi jaqyndatýda, Aziiadaǵy ortaq ári inkliýzivti qaýipsizdik pen turaqtylyqty qamtamasyz etýde biregei halyqaralyq qurylymǵa ainalǵanyn atap ótedi.
«Forým Aziia aýmaǵynyń 90 paiyzyn qamtityn 27 memleketti biriktiredi. Bul jer shary turǵyndarynyń jartysyna teń, álemdik jalpy ishki ónimniń 50 paiyzy óndiriledi jáne jahandyq ekonomikanyń úshten ekisin qamtamasyz etedi. Aziiadaǵy ózara is-qimyl jáne senim sharalary keńesiniń 5 sammiti ótti. Onyń hatshylyǵy, jumys organdary bar. Iskerlik jáne jastar keńesi jumys isteidi. Jahandyq jáne óńirlik deńgeide kópjaqty qurylymdarmen bailanys ornatylǵan. Keńestiń BUU Bas assamleiasy janyndaǵy baiqaýshy mártebesi bar. Buǵan qosa, keńestiń bedeli, róli jáne geografiiasy artyp kele jatyr», - dep atap ótedi Elbasy.
Nursultan Nazarbaev oǵan keńes jumysyna qatysatyn halyqaralyq jańa uiymdardyń qatarynyń arta túsýi dálel bola alatynyn basa aitty.
«Aziiadaǵy ózara is-qimyl jáne senim sharalary keńesi jumys istep turǵan jyldardyń ishinde tóńiregimizde óte kóp dúnie ózgerdi. Aita keterligi, endigi ýaqytta Aziia jahandyq ústemdik pen qyrǵi-qabaq soǵystarǵa qarama-qarsy seriktestik, teń quqyqtyq, ózara yntymaqtastyq qaǵidattaryn úndeitin Jer sharynyń mańyzdy saiasi ortalyǵyna ainalyp otyr», - dedi QR Tuńǵysh Prezidenti quttyqtaýynda.
