قر تۇڭعىش پرەزيدەنتٸ – ەلباسى نۇرسۇلتان نازارباەۆ ەلوردادا ٶتٸپ جاتقان ازيياداعى ٶزارا ٸس-قيمىل جەنە سەنٸم شارالارى كەڭەسٸ سىرتقى ٸستەر مينيسترلەرٸنٸڭ 6-كەزدەسۋٸنە قاتىسۋشىلارعا قۇتتىقتاۋ جولدادى. ٷندەۋدٸ ٸس-شارا بارىسىندا قر سىرتقى ٸستەر مينيسترٸنٸڭ ورىنباسارى اقان راحمەتۋللين وقىپ بەردٸ, دەپ حابارلايدى قازاقپارات.
قر تۇڭعىش پرەزيدەنتٸ قۇتتىقتاۋىندا كەڭەستٸڭ ەلدەردٸ ساياسي جاقىنداتۋدا, ازيياداعى ورتاق ەرٸ ينكليۋزيۆتٸ قاۋٸپسٸزدٸك پەن تۇراقتىلىقتى قامتاماسىز ەتۋدە بٸرەگەي حالىقارالىق قۇرىلىمعا اينالعانىن اتاپ ٶتەدٸ.
«فورۋم ازييا اۋماعىنىڭ 90 پايىزىن قامتيتىن 27 مەملەكەتتٸ بٸرٸكتٸرەدٸ. بۇل جەر شارى تۇرعىندارىنىڭ جارتىسىنا تەڭ, ەلەمدٸك جالپى ٸشكٸ ٶنٸمنٸڭ 50 پايىزى ٶندٸرٸلەدٸ جەنە جاھاندىق ەكونوميكانىڭ ٷشتەن ەكٸسٸن قامتاماسىز ەتەدٸ. ازيياداعى ٶزارا ٸس-قيمىل جەنە سەنٸم شارالارى كەڭەسٸنٸڭ 5 سامميتٸ ٶتتٸ. ونىڭ حاتشىلىعى, جۇمىس ورگاندارى بار. ٸسكەرلٸك جەنە جاستار كەڭەسٸ جۇمىس ٸستەيدٸ. جاھاندىق جەنە ٶڭٸرلٸك دەڭگەيدە كٶپجاقتى قۇرىلىمدارمەن بايلانىس ورناتىلعان. كەڭەستٸڭ بۇۇ باس اسساملەياسى جانىنداعى بايقاۋشى مەرتەبەسٸ بار. بۇعان قوسا, كەڭەستٸڭ بەدەلٸ, رٶلٸ جەنە گەوگرافيياسى ارتىپ كەلە جاتىر», - دەپ اتاپ ٶتەدٸ ەلباسى.
نۇرسۇلتان نازارباەۆ وعان كەڭەس جۇمىسىنا قاتىساتىن حالىقارالىق جاڭا ۇيىمداردىڭ قاتارىنىڭ ارتا تٷسۋٸ دەلەل بولا الاتىنىن باسا ايتتى.
«ازيياداعى ٶزارا ٸس-قيمىل جەنە سەنٸم شارالارى كەڭەسٸ جۇمىس ٸستەپ تۇرعان جىلداردىڭ ٸشٸندە تٶڭٸرەگٸمٸزدە ٶتە كٶپ دٷنيە ٶزگەردٸ. ايتا كەتەرلٸگٸ, ەندٸگٸ ۋاقىتتا ازييا جاھاندىق ٷستەمدٸك پەن قىرعي-قاباق سوعىستارعا قاراما-قارسى سەرٸكتەستٸك, تەڭ قۇقىقتىق, ٶزارا ىنتىماقتاستىق قاعيداتتارىن ٷندەيتٸن جەر شارىنىڭ ماڭىزدى ساياسي ورتالىعىنا اينالىپ وتىر», - دەدٸ قر تۇڭعىش پرەزيدەنتٸ قۇتتىقتاۋىندا.
