Nursultan Nazarbaev Antalia diplomatiialyq forýmyna qatysty. Memleket pen úkimet basshylary, saiasatkerler, diplomattar, biznes kóshbasshylary, ǵalymdar men sarapshylar qatysqan jiynda keń aýqymdy máseleler, sonyń ishinde «Diplomatiiany qaita qurý» degen jalpyǵa ortaq taqyryp talqylandy, dep habarlaidy elbasy.kz saity.
Qazaqstannyń Tuńǵysh Prezidenti Diplomatiialyq forým aiasynda Rejep Taiip Erdoǵanmen kelissóz júrgizdi.
Elbasy Túrkiia Respýblikasynyń Prezidentine halyqaralyq forýmǵa qatysýǵa shaqyrǵany úshin rizashylyǵyn bildirip, qazirgi jahandyq geosaiasi ózgerister kezinde bul jiynnyń mańyzy erekshe ekenine toqtaldy.
Rejep Taiip Erdoǵan Qazaqstan men Túrkiia arasynda qarym-qatynastyń qalyptasýy men damýyna Nursultan Nazarbaev qomaqty úles qosqanyn atap ótti. Sondai-aq Túrkiia Prezidenti túrki álemi elderiniń integratsiialyq protsesin keńeitý ári tereńdetý isindegi Qazaqstannyń Tuńǵysh Prezidentiniń qyzmetine joǵary baǵa berdi.
Kezdesýde taraptar kún tártibindegi eń ózekti halyqaralyq máseleler boiynsha pikir alysty. Olar Ýkrainadaǵy áskeri qaqtyǵysty diplomatiia jáne memleketaralyq dialogty qalpyna keltirý arqyly sheshý baǵytynda kúsh-jiger jumsaýdyń mańyzdy ekenin aitty.
