Nursultan Nazarbaevtyń baspasóz hatshysy Aidos Úkibaidyń málimdeýinshe, Qazaqstannyń eks-prezidenti qazir Amanat partiiasyna múshe emes jáne partiia tóńireginde bolyp jatqan sońǵy ózgeristerge esh qatysy joq.
Bul jóninde Aidos Úkibai Azattyq saýalyna bergen jaýabynda aitqan, dep habarlaidy ult.kz.
«Nursultan Ábishulynyń partiiaǵa qandai qatysy bar? Ol prezidenttik ókilettigin 2019 jyly toqtatqan», – dedi Úkibai.
Sondai-aq ol búginde Nazarbaevtyń saiasatpen ainalyspaitynyn atap ótken.
Nursultan Nazarbaev 2019 jyly prezident retindegi ókilettigin toqtatqanymen, 2022 jylǵy Qańtar oqiǵasyna deiin Qaýipsizdik keńesine jáne ózi qurǵan «Nur Otan» (qazirgi Amanat) partiiasyna jetekshilik etip keldi.
Aita keteiik, ol sońǵy ret el aldyna biyl 15 naýryzda shyqty. Burynǵy prezident Qazaqstan Respýblikasynyń jańa Konstitýtsiiasyn qabyldaý máselesi boiynsha ótken respýblikalyq referendýmda daýys berdi. Alaida daýys bergennen keiin jýrnalisterdiń suraqtaryna jaýap bermesten, birden ketip qalǵan.
