QR prezidenti Nursultan Nazarbaev Astananyń tazalyǵy eń aldymen áýejai men vokzaldaǵy dárethanadan bastalatynyn eske saldy, dep habarlaidy Sputnik Qazaqstan tilshisi.
"Astananyń imidji, taza ári qolaily qala atanýy áýejaida ushaqtan nemese vokzalda poiyzdan túskende, ondaǵy qyzmetkerler qalai qyzmet kórsetedi, sodan bastalady. Men astana áýejai men vokzaldaǵy dárethanadan bastalatynyn talai ret aittym. Dúkende, meiramhanada adamdardy "úrkitetin" servis qyzmetkerin kásipker qalai ustap otyrady? Munyń bári tynymsyz eńbekti talap etedi. Bilesizder, astanalyqtar men ózge qalalyqtar arasynda aiyrmashylyq bar. Buryn biz mynda kelgende, almatylyqtar bizge "kolhoznikterge" qaraǵandai qaraityn. Endi qalai qaraidy? Munyń bárin men ne úshin aityp otyrmyn? Sender úkimetpen birlesip, atalǵan máselelerdi qarap, Astananyń 20 jyldyǵyna jaqsy kórsetkishtermen kelý úshin. Osynda otyrǵan sizder men bizder Astana úshin jaýap beremiz. Ákimdik qana emes, búkil memleket elorda úshin jaýapty", — dedi Elbasy.
Astanada Nursultan Nazarbaevtyń tóraǵalyǵymen qalany odan ári damytý máseleleri boiynsha keńes ótip jatyr.
