Memleket basshysy Nursultan Nazarbaev Qazaqstan halqyn Alǵys aitý kúnimen quttyqtady. Elbasy sózin oqyrman nazaryna usynamyz.
"Qurmetti otandastar!
Búgin biz barshamyzǵa ortaq mereke – Alǵys aitý kúnin atap ótip otyrmyz.
Osynaý aitýly kúni qiyn-qystaý synaq jyldarynda adamgershilik pen imandylyq ústemdiginiń jadymyzda bolýy Qazaqstan halqyn biriktiredi.
Meiirimdilik, ózara kómek jáne bir-birine degen qurmet qazaqtyń kieli topyraǵynda kúlli qazaqstandyqtar kózdiń qarashyǵyndai saqtaityn ári maqtan tutatyn dostyq pen ózara túsinýshiliktiń biregei atmosferasyn qalyptastyrýǵa múmkindik berdi.
Óz otandastarymyzǵa jáne týǵan ólkege degen kirshiksiz alǵys sezimi bul merekege erekshe tereń maǵyna beredi.
Sondyqtan Alǵys aitý kúniniń basty máni – tarihi jadyny saqtaý, urpaqtar sabaqtastyǵy men irgesi berik negizdegi el birligin nyǵaitý bolyp tabylady.
Búkil qazaqstandyqtardy Alǵys aitý kúnimen shyn júrekten quttyqtaimyn!
Sizderge baq-bereke, beibit ómir jáne tabys tileimin!"
