Halyqaralyq eseptik tólem birligin engizý máselesin baiyppen qaraityn ýaqyt jetti. Bul týraly búgin H Astana ekonomikalyq forýmynyń jalpy otyrysynda sóz sóilegen QR Prezidenti Nursultan Nazarbaev aitty, dep habarlaidy Ult.kz tilshisi QazAqparat agenttigine silteme jasap.
«Álemdik qarjy arhitektýrasyn trasformatsiialaý qajettiligi jetildirilip otyr. Halyqaralyq eseptik tólem birligin engizý máselesin baiyppen qaraityn ýaqyt jetti. Ol álemdi valiýtalyq soǵystardan, alaiaqtyqtan arylýǵa, saýda qarym-qatynastarynda qatelikterden jaltarýǵa, naryqtaǵy qubylmalyqty tómendetýge múmkindik beredi», - dedi Qazaqstan Prezidenti.
Elbasynyń aitýynsha, valiýta qarapaiym, ol paidalanýshyǵa baǵynyshty bolýy tiis.
«Blokchein syndy tehnologiialardyń damýyn, tsifrlandyrylýdy eskere otyryp, kriptovaliýta túrindegi eseptik birlikti qurýǵa da bolar edi», - dedi Elbasy.
QR Prezidentiniń paiymynsha, ol abstraktili senimdi tirek etpeýi tiis. Kerisinshe, naqty aktivterdi qamtamasyz etýi qajet. Bul valiýta búkil álemdegi qoldanýshylar tarapynan qabyldanýy kerek.
«Sondyqtan bul iske tek qana G20 emes, odan da kóp memleketter qatysýy úshin biz G-Global-dy usyndyq», - dep atap ótti Memleket basshysy.
Nursultan Nazarbaevtyń aitýynsha, jahandyq valiýtany Ortalyq bankterdiń pýlyn qurý jolymen, máselen, BUU janyna arnaiy komitet qurý arqyly engizýge bolady.
«Barlyq eldiń teńquqyly, ádil ókildigi bolýy tiis. Árine, másele qarapaiym emes. Biraq bul problema joǵalmaidy. Bizge ony aityp qana qoimai, sheshý de qajet», - dep túidi sózin QR Prezidenti.
