Nursultan Nazarbaev AQSh-tyń energetika ministri Rik Perrimen kezdesti, "Ult aqparat" Aqordanyń baspasóz qyzmetine silteme jasap.
Memleket basshysy kezdesýde AQSh Prezidenti Donald Tramppen júrgizilgen kelissózder barysynda qol jetkizilgen nátijelerge toqtaldy.
Nursultan Nazarbaev Qazaqstan men AQSh-tyń munai-gaz salasyndaǵy yntymaqtastyǵyna oń baǵa berip, Teńiz jáne Qashaǵan ken oryndaryndaǵy jobalardyń júzege asyrylýy jóninde aitty.
Memleket basshysy Qazaqstandaǵy ónimdi qaita óńdeý isinde investorlardyń kúsh-qýattaryn arttyrýy qajettigine nazar aýdardy.
Qazaqstan Prezidenti elimizdegi jasyl energetikany damytýǵa arnalǵan jobalardyń júzege asyrylýy jóninde áńgimelep, R.Perridi Tómen baiytylǵan ýran bankiniń ashylýy týraly habardar etti.
AQSh-tyń energetika ministri kezdesýge rizashylyǵyn bildirip, investitsiialyq yntymaqtastyqty nyǵaitýǵa septigin tigizetin negizgi faktorlardy atady.
Kezdesý sońynda taraptar munai-gaz jáne energetika salalaryndaǵy ekijaqty qatynastardy odan ári damytýǵa qatysty pikirlerimen bólisti.
