Elbasy Joǵarǵy Sot keńesiniń tóraǵasy Anatolii Smolindi qabyldady, - dep habarlaidy "Ult aqparat"Aqordanyń resmi saityna silteme jasap.
Kezdesýde A.Smolin Memleket basshysyna Joǵarǵy Sot keńesiniń 2017 jylǵy qyzmeti jáne Qazaqstan sýdialarynyń VII sezinde berilgen tapsyrmalardyń oryndalý nátijeleri jóninde baiandady.
Nursultan Nazarbaev Joǵarǵy Sot keńesiniń sot tóreliginiń sapasyn arttyrýdy qamtamasyz etý maqsatymen mamandardy irikteý jóninde atqaryp jatqan jumysyna toqtaldy.
«Biz sot júiesindegi reformany zań ústemdigin qamtamasyz etý úshin júrgizýdemiz. Sot kadrlaryn irikteýdi ádileti júrgizý úshin biz derbes Joǵarǵy Sot keńesin qurdyq. Ol táýelsiz jáne eshkimge baǵynbaidy», – dedi Qazaqstan Prezidenti.
Elbasy Ult josparynyń 17-qadamyn iske asyrý turǵysynan sýdia laýazymyna úmitkerlerdi irikteý barysynda meritokratiia qaǵidatyn basshylyqqa alý qajettigine nazar aýdardy.
«Bul kadrlardy irikteýdiń sapasyn arttyrýǵa tiis. Tek ádil sheshim qabyldaityndardy taǵaiyndaý kerek. Adamdar sonda ǵana óz quqyqtaryn qorǵaý úshin sotqa júginetin bolady», – dedi Memleket basshysy.
Sonymen qatar, Anatolii Smolin Nursultan Nazarbaevqa atqaryp jatqan qyzmetiniń, sonyń ishinde Elbasynyń Qazaqstan halqyna «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty joldaýyn iske asyrý, sondai-aq quqyq qorǵaý qyzmetin reformalaý aiasynda qurylǵan tergeý sottarynyń quramyn qalyptastyrý barysyndaǵy qyzmetiniń perspektivti baǵyttary jóninde baiandady.
Kezdesý qorytyndysy boiynsha Qazaqstan Prezidenti birqatar naqty tapsyrma berdi.
