Memlekettik hatshy Gúlshara Ábdiqalyqovanyń tóraǵalyǵymen Qazaqstan Respýblikasynyń Prezidenti janyndaǵy Azamattyq máseleleri jónindegi komissiianyń kezekti otyrysy ótti, dep habarlaidy Aqordanyń baspasóz qyzmeti.
Jiyn barysynda Qazaqstan azamattyǵyna qabyldaý jáne odan shyǵý máseleleri qarastyryldy.
Memleket basshysy tiisti Jarlyqqa qol qoiǵannan keiin taiaý jáne alys shetelderden kelgen ártúrli etnostyń 587 ókili bizdiń elimizdiń azamattaryna ainalady.
"Qazaqstan azamaty bolýdy qalaityndar sany jyldan-jylǵa artyp keledi. Atalǵan jait Qazaqstandaǵy azamattyq institýttyń halyqaralyq bedeli artqandyǵyn, memlekettiń áleýmettik-ekonomikalyq júiesiniń turaqtylyǵyn, etnosaralyq qarym-qatynas mádenietiniń damyǵandyǵyn aiǵaqtaidy.
Bul Elbasy Nursultan Ábishuly Nazarbaev usynǵan, uzaq merzimge arnalǵan "Qazaqstan – 2050" strategiiasynyń júieli júzege asyrylýynyń arqasynda múmkin boldy.
Biz jańa qazaqstandyqtarǵa baqytty ómir tileimiz jáne endi olardyń óz Otany bolyp sanalatyn elimizdiń igiligi jolynda tiimdi eńbek etýlerine niettestik bildiremiz. Elimizdiń laiyqty azamattary bolyp, táýelsiz Qazaqstannyń odan ári damýyna olardyń da óz úlesin qosatynyna senimdimin", – dedi memlekettik hatshy.
Komissiia otyrysynyń qorytyndysy boiynsha tiisti sheshimder men usynymdar qabyldandy.
