«Qazaqstandyqtar bul mezgilsiz ári orny tolmas qazanyń aýyrtpalyǵyn baýyrlas Ózbekstan halqymen birge bólisedi. 30 jyldai qanattasa jumys istegen dosymnan airylǵanyma qaiǵyramyn», – delingen kóńil aitý jedelhatynda.
Sondai-aq, Nursultan Nazarbaev eldiń ekonomikalyq áleýetiniń damýyna, onyń halyqaralyq bedeliniń ósýine, qoǵamnyń ál-aýqatynyń artýyna yqpal etken aýqymdy ózgeristerdiń júzege asyrylýy Ózbekstan Respýblikasy táýelsizdiginiń bastaýynda turǵan Islam Karimovtiń esimimen bailanysty ekenin atap ótti.
«Ol óziniń búkil ómirin týǵan halqyna qaltqysyz qyzmet etýge arnady, árdaiym Qazaqstannyń senimdi dosy boldy jáne bizdiń halyqtarymyzdyń arasynda dostyq pen tatý kórshiliktiń nyǵaia túsýine úlken úles qosty», – delingen jedelhatta.
Sońynda Qazaqstan Prezidenti Islam Abdýganievich Karimovtiń týystary men jaqyndaryna jáne eldiń basshylyǵy men baýyrlas Ózbekstan halqyna qatty qaiǵyryp kóńil aitty.
Ult portaly
