Aýa raiynyń buzylýyna bailanysty Qazaqstannyń birqatar óńirinde eskertý jariialandy, dep habarlaidy "Ult aqparat" «Qazgidromet» RMK baspasóz qyzmetine silteme jasap.
25 tamyzda Shyǵys Qazaqstannyń kei jerlerinde naizaǵai jarqyldap, daýyl soǵady. Kúndiz burshaq jaýady. Ońtústik-shyǵystan soqqan jel ońtústik-batysqa aýysyp, kei jerlerde jel ekpini 15-20, 25 m/s jetedi.
Óskemen men Semeide kún kúrkireidi. Jel qarqyny - 15-20 m/s.
25 tamyz túnde Qyzylorda oblysynyń kei jerlerinde naizaǵai oinaidy. Soltústik-batystan jáne soltústikten jel soǵady. Túnde jáne tańerteń jel jyldamdyǵy kei jerlerde 15-20 m/s deiin kúsheiedi. Kúndiz tótenshe órt qaýpi saqtalady.
25 tamyzda Qaraǵandy oblysynyń shyǵysynda túnde qatty jańbyr jaýady. Kei jerlerde naizaǵai jarqyldap, daýyl turady, burshaq kútiledi. Soltústik-shyǵystan jáne soltústikten soqqan jeldiń kúshi - 15-20 m/s. Aimaqtyń ońtústik-batysynda óte joǵary órt qaýpi saqtalady.
Erteń Qaraǵandy jáne Jezqazǵan qalalarynda kún kúrkireidi.
25 tamyzda Soltústik Qazaqstan oblysynda tuman túsedi. Soltústik-batystan soqqan jeldiń ekpini 15-20 m/s jetedi.
Erteń túnde jáne tańerteń Qostanai oblysynyń kei jerlerinde tuman túsedi.
25 tamyzda Almaty oblysynda jáne oblys oratylyǵy - Taldyqorǵan qalasynda kei jerlerde naizaǵai jarqyldaidy. Ońtústik-batystan jel soǵady. Jel qarqyny naizaǵai kezinde 15-20 m/s bolady. Kúndiz 35 gradýs qatty ystyq bolady.
25 tamyzda Aqmola oblysynyń kei jerlerinde kún kúrkireidi. Túnde jáne tańerteń kei jerlerde tuman túsedi. Soltústik-shyǵystan soqqan jeldiń baǵyty soltústik-batysqa aýysady. Kúndiz jel jyldamdyǵy - 15-20 m/s.
Kókshetaý qalasynda túnde jáne tańerteń tuman túsedi.
