Reseilik oppozitsioner Aleksei Navalnyi shtabynyń basshysy Leonid Volkov Twitter-de Navalnyidyń 28 qańtar kúni ustalǵany týraly videorolik jariialaǵany úshin 30 táýlikke qamaldy. Volkovtyń habarlaýynsha, ózine qatysty sotqa advokattaryn ázer kirgizgen, jýrnalister kirgizilmegen. Bul týraly Azattyqtyń qazaq bólimi jazdy.
Volkovty 22 aqpan kúni Máskeýdiń «Sheremetevo» áýejaiynda politsiia qyzmetkerleri ustap áketken. Ol Ýfaǵa jergilikti eriktilermen jáne saiasatkerdiń jaqtastarymen kezdesý úshin ushyp barmaq bolǵan. Keiin Volkovty politsiia bólimine, odan sotqa aparǵan.
Aleksei Navalnyi ózin 2018 jyly 18 naýryzda ótetin prezident sailaýyna kandidat etip tirkeýden bas tartqannan soń «sailaýshylar ereýilin» ótkizýge shaqyrǵan. 28 qańtar kúni Reseidiń ondaǵan qalasynda myńdaǵan adam qatysqan «sailaýshylar ereýili» dep atalatyn aktsiialar ótken. Aktsiialar kezinde Reseide 350-ge tarta belsendi ustalǵan.
Navalnyidyń baspasóz hatshysy Kira Iarmysh pen sailaý kampaniiasynyń baspasóz hatshysy Rýslan Shaveddinov ta 30 qańtar kúni «Sheremetevo» áýejaiynyń tólqujat tekserý postynda ustalǵan. Olarǵa «sailaýshylar ereýilin» uiymdastyrdy degen aiyp taǵylǵan. Olar Litvada otyryp sherýlerden transliatsiia júrgizgen. Shaveddinov segiz táýlikke, Iarmysh bes táýlikke qamalǵan.
