Ishki ister ministrligi 1 naýryzdan bastap turaqty turýǵa ótinish bergen etnikalyq qazaqtar sanyn aitty, - dep habarlaidy Tengrinews.kz.
IIM málimetinshe, 2022 jylǵy 1 naýryzdan 1 qarashaǵa deiin turaqty turýǵa yqtiiarhat 3999 etnikalyq qazaqqa berilgen. Olardyń kóbi Ózbekstannan kóship kelgen - 2267 adam. Ekinshi orynda Resei tur, Reseiden 773 adam kelgen. Odan keiin - Mońǵoliia (328), QHR (297), Túrikmenstan (172), Qyrǵyzstan (39).
Iri qalalarǵa, sonyń ishinde Shymkentke - 785, Túrkistan oblysyna - 715, Astanaǵa - 702, Mańǵystaýǵa - 608, Almaty oblysyna - 526, Almatyǵa 326 adam qonystanǵan.
Aita keteiik, IIM málimeti boiynsha, mobilizatsiia bastalǵaly beri Qazaqstanǵa 200 myńnan asa Resei azamaty kelgen.
Eske salaiyq, 21 qyrkúiekte Resei Prezidenti Vladimir Pýtin elde ishinara mobilizatsiia jariialaǵan edi. Sondyqtan reseilikter basqa elderge kóshken bolatyn.
