Foto: gov.kz
Qytaimen shekaradaǵy avtomobil ótkizý pýnktteri 2025 jyldyń 8 naýryz jáne 21-23 naýryz aralyǵynda jumys istemeidi, dep habarlaidy Memlekettik kirister komiteti.
"Memlekettik kirister komiteti, Qazaqstan Respýblikasynda 2025 jylǵy 8 naýryz kúni "Halyqaralyq áielder" jáne 21-23 naýryz aralyǵy "Naýryz meiramyn" merekeleýge bailanysty Qazaqstan–Qytai shekarasyndaǵy avtomobil ótkizý pýnkterinde tulǵalardy, kólik quraldary men júkterdi ótkizý júzege asyrylmaitynyn habarlaidy", – dep jazylǵan málimdemesinde.
Degenmen Qazaqstan-Qytai shekarasyndaǵy temirjol ótkizý pýnktteri shtattyq rejimde jumysyn jalǵastyrady.
"Tasymaldaýshylar men barlyq shekarany kesip ótýge niet bildirýshilerdi engizilgen shekteýlerdi eskere otyryp, óz baǵyttaryn aldyn ala josparlaýdy suraimyz", – dep eskertti komitet.
