Naýryzda elimizdiń basym bóligi jaýyn-shashyndy bolady. Bul týraly búgin Úkimet otyrysynda QR Ekologiia, geologiia jáne tabiǵi resýrstar ministri Maǵzum Myrzaǵaliev aitty, dep habarlaidy «Ult aqparat».
«Naýryz aiynyń sinoptikalyq boljamyna sáikes aýa temperatýrasy men jaýyn-shashyn mólsheri Qazaqstannyń basym bóliginde klimattyq normadan joǵary bolady», - dedi ministr.
Onyń aitýynsha, qar jamylǵysynyń azdyǵyna qaramastan, aldaǵy kúnderde elimizdiń ońtústik, ońtústik-shyǵysynda qatty jaýyn-shashyn kútilýde. Ol óz kezeginde erigen qardyń sýymen qosylyp, tasqynǵa alyp kelýi múmkin.
«Qazgidromet naýryz aiynan bastap apta saiyn negizgi gidrologiialyq boljamdardy usynady. Onymen qosa, sý tasqyny qaýpiniń paida bolýy týraly aldyn-ala 2-3 kún buryn habarlap otyrmaq», - dedi Maǵzum Myrzaǵaliev.
