video kadry
Mańǵystaý oblysy Taýshyq aýylyndaǵy naýryz merekesi erekshe toilandy. Balabaqsha ákimshiligi búldirshinder arasynda arqan tartys, asyq atý, qozy kóterý sekildi ulttyq oiyndardan jarys uiymdastyrǵan. Kishkentai balaqailardyń merekesi tartysty ótti, - dep habarlaidy Ult.kz "KTK" telearnasyna silteme jasap.
Sanjar esimdi bes jasar balaqaidyń qozy kóterip jatqan sáti kópshilikti súisintti. Ol kóktemgi tól qozyny 35 ret kóterip, birinshi oryn alǵan.
Bóbekjaidaǵy "áz-Naýryz" merekelik is-sharasyna baldyrǵandardyń ata-analary, balabaqsha ujymy qatysqan. Aýlada qazan asylyp, naýryz kóje pisirilip, ulttyq salt-dástúr nasihattalypty.
Tárbieshilerdiń aitýynsha, qozy kóterý ulttyq oinyn uiymdastyrýdaǵy maqsaty – búldirshinderdi eptilikke baýlyp, ulttyq qundylyqtardy boiyna sińirý.
"Balalarǵa qazaqtyń ulttyq oiyndaryn, arqan tartys, asyq atý, qozy kóterýdi oinattyq. Qozy kóterýde bes jasar Sanjar qozyny 35 ret kóterip, oiynnyń mánin de, sánin de keltirdi", - deidi balabaqsha meńgerýshisi Indira Álishbaeva.
