Foto: Egemen.kz
Naýryz meiramy qarsańynda «Jolaýshylar tasymaly» AQ Qazaqstan men Ózbekstan arasyndaǵy týristik bailanystardy keńeitý maqsatynda «Kerýen Ekspress» jáne «Jibek Joly» poiyzdaryn iske qosady, dep habarlaidy «Qazaqstan temir joly» UK» AQ baspasóz qyzmetine silteme jasaǵan Ult.kz.
Jolaýshylar qos eldiń bai mádeni murasyn tamashalap, Naýryz meiramyn Qazaqstan men Ózbekstanda qalai toilanatynyn kórip, ulttyq dástúrlerdiń erekshe úilesimin sezine alady.
«Kerýen Ekspress» týristik poiyzy Almatydan shyǵyp, «Almaty-Túrkistan-Tashkent-Samarqand-Taraz-Almaty» baǵyty boiynsha júredi. Saiahat uzaqtyǵy 7 kún – 2025 jylǵy 21-27 naýryz aralyǵynda.
«Jibek Joly» poiyzy da Almatydan jolǵa shyǵyp,«Almaty-Túrkistan-Tashkent-Samarqand-Almaty» baǵytymen qatynaidy. Bul týr 6 kúnge sozylady – 2025 jylǵy 20-25 naýryz aralyǵynda ótedi.
Týrpaketter týristik agenttikter arqyly qoljetimdi.
