Foto:informburo.kz
Naýryz merekesine orai Qazaqstan men Ózbekstan arasyndaǵy týristik poiyz iske qosylady, dep habarlaidy Ult.kz.
"Jibek Joly poiyzynyń týristeri Naýryz meiramyn Qazaqstan men Ózbekstanda atap ótý múmkindigine ie bolady. Úshinshi transshekaralyq týr 2025 jyldyń 20-25 naýryzy aralyǵyna josparlanǵan. Bul joly temirjol saiahatynyń baǵdaryna Taraz qalasy qosyldy", -delingen habarlamada.
«Almaty – Túrkistan – Tashkent – Samarqand – Taraz – Almaty» baǵytyndaǵy halyqaralyq týrdyń uzaqtyǵy 5 kúndi quraidy. Saiahatshylar ejelgi qalalardyń erekshe atmosferasyna enip, Uly Jibek jolynyń izimen saiahattaidy jáne eki eldiń kórikti jerlerin aralaidy. Sonymen birge týrister shyǵystyń qonaqjailylyq atmosferasymen tanysa alady.
Týr baǵdarlamasy etnoaýyldaǵy merekelik sharalardy qamtidy:
kontserttik baǵdarlama,
ulttyq salt-dástúrler jáne
dástúrli taǵamdardan dám tatý.
Týristerdiń yńǵailylyǵy úshin kásibi gidterdiń súiemeldeýi, zamanaýi vagondarda jaily turý jaǵdailary, tamaqtaný jáne ekskýrsiialar qarastyrylǵan.
Týristik paketterdi týristik agenttikterden satyp alýǵa bolady.
