© Sputnik / Vladislav Vodnev
5 naýryzdan bastap "Otbasy bankinen" "Naýryz" ipotekalyq baǵdarlamasyna qatysýǵa ótinimder qabyldaý bastaldy.
Maqsaty alǵashqy turǵyn úi satyp alýdy qamtamasyz etetin baǵdarlamada mólsherle 7–9% bolady . Baǵdarlamaǵa sońǵy bes jylda jyljymaityn múlki joq qazaqstandyqtar qatysa alady. Ótinimder 31 naýryzǵa deiin "Baspana Market" portalynda qabyldanady.
Baǵdarlamaǵa qatysý úshin jas pen mártebe boiynsha shekteý joq.
Qalai qatysýǵa bolady
Otbasy bankinde depozit ashý (eger joq bolsa). Depozittiń merzimi mańyzdy emes.
Depozitti 2 mln teńgege deiin toltyrý (ótinim berer aldynda barlyq somany quiýǵa bolady).
Sońǵy 5 jyl ishinde ózinde jáne otbasy múshelerinde (erli-zaiyptylarda jáne kámeletke tolmaǵan balalarynda) jyljymaityn múliktiń bolmaǵanyna tekserýden ótý.
Sońǵy 6 aidaǵy resmi tabysty rastaý.
Baǵdarlamanyń sharttary boiynsha qaryz alýshy bastapqy jarna bolǵan kezde nesie rásimdei alady:
10%-dan bastap – daiyn baspanany satyp alý kezinde;
20%-dan bastap – ishki árleýi aiaqtalmaǵan nemese jańa emes baspana satyp alý kezinde.
Ipoteka boiynsha mólsherleme turǵyn úi kezeginde turatyn halyqtyń áleýmettik osal toptary úshin – 7%, qalǵandary úshin – 9%.
Nesie 19 jylǵa deiingi merzimge beriledi. Qaryzdyń eń kóp somasy Astana men Almatyda 36 mln teńgege deiin, basqa óńirlerde 30 mln teńgege deiin qarastyrylǵan.
