Resei Ýkraina aýmaǵynda himiialyq qarý qoldanatyn operatsiia josparlaýy múmkin. NATO bas hatshysy Iens Stoltenberg nemistiń Welt am Sonntag basylymyna bergen suhbatynda osylai dep málimdedi.
Stoltenbergtiń aitýynsha, Kreml óz shabýylyn aqtaý úshin Ýkrainadaǵy "biologiialyq qarý shyǵaratyn zerthanalarǵa" kóptiń nazaryn aýdartyp otyr.
"Endi osyndai jalǵan málimdemeler jasalǵannan keiin biz óte saq bolýǵa tiispiz, sebebi osy jalǵan tujyrymdy paidalana otyryp, Reseidiń ózi himiialyq qarý qoldanatyn operatsiiasyn josparlap jatqan bolýy múmkin" dedi NATO bas hatshysy.
Eger Resei himiialyq shabýyl jasasa, onda bul "áskeri qylmys bolady" dedi ol.
Osyǵan deiin Resei syrtqy ister ministrligi Ýkraina Resei shekarasyna jaqyn jerde arnaiy biozerthanalarda biologiialyq qarýdyń komponentterin daiyndady dep málimdegen.
Ýkraina qarýly kúshteriniń málimetinshe, Resei armiiasy soǵysta 12 myńnan astam soldatynan aiyrylǵan. Áskeri sarapshylar 2-4 myń aralyǵynda Resei soldaty qaza boldy dep sanaidy. Al Resei qorǵanys ministrligi odan da az kórsetkishti aitady.
Bir kún buryn Ýkraina prezidenti Vladimir Zelenskii shetel jýrnalisterine 24 aqpannan beri shamamen 1300 ýkrain jaýyngeri qaza boldy dep málimdegen.
