Qazaqstan Respýblikasy Úkimetiniń kezekti otyrysy barysynda Baqytjan Saǵyntaev Elbasy tapsyrmasyn oryndamaǵan ministrler men ákimderdi synap, olarǵa bul jumystardy qaita qolǵa alýdy tapsyrdy, dep habarlady Sputnik Qazaqstan tilshisi.
"Qurmetti áriptester, Elbasy óziniń joldaýynda indýstriialandyrýdyń jańa tehnologiialar engizýdiń flagmanyna ainalýy tiis ekenin aityp ótti. Osy baǵytta 7 úlgili fabrikany iske qosýdy josparǵa engizdik. Iaǵni osy baǵytta biz tsifrlyq fabrikalar jobasyn iske asyrýymyz qajet. Jeńis Mahmuduly, Dáýren Asqarbekuly jáne Asqar Qýanyshulymen birge osy jumystardy júrgizýge qatysty sharalar júrgizip keldik. Búgingi kúnge deiin osy jumystyń qarqyny tómen. Jarty jyl ótti, biraq búgingi baiandamalarda osy atqarylǵan jumystyń nátijesi týraly aitylǵan joq. Osyǵan nazar aýdarýlaryńyzdy suraimyn", — dedi Baqytjan Saǵyntev.
Ári qarai premer-ministr kásiporyndardy modernizatsiialaý jumystarynyń durys júrgizilmei otyrǵanyn aityp ótti. Sondai-aq, osy máselege bailanysty Asqar Uzaqbaiulyna tapsyrma berdi.
"Elbasynyń da tarapynan osyndai talap boldy. Ári qarai tehnologiialyq ónim shyǵarýǵa qatysty modernizatsiialaý jumystaryna keleiik. Osy nárse eksportqa shyǵaratyn ónimniń kólemin ózgertýge septigin tigizedi. Óńdeýshi sektorda júieni quraityn kásiporyndar iske qosylmai otyr. Osyǵan nazar aýdarýlaryńyzdy suraimyn. Bul da Elbasynyń tapsyrmasy. Asqar Uzaqbaiuly osyny sizdiń baqylaýyńyzǵa tapsyramyn", — dedi Baqytjan Ábdiruly.
