Qazaqstan Prezidenti Qasym-Jomart Toqaev sapasyz oqýlyq daiyndaityndardyń jaýapkershiligin zańnamalyq túrde bekitýdi tapsyrdy, dep habarlaidy "Ult aqparat".
«Elimizde oqýlyqtardyń sapasy máselesi jii kóteriledi. Bilim sapasy ainalyp kelgende oqýlyqtyń sapasyna bailanysty. Bul – aksioma. Sol sebepti ǵylymi-praktikalyq saraptamaǵa qoiylatyn talapty edáýir arttyryp, oqýlyqtardyń aprobatsiiasyn túpkilikti túrde kóterý kerek. Bul – Bilim jáne ǵylym ministrliginiń mindeti. Men tipti ony basymdyqqa ie tapsyrma dep aitar edim», - dedi Prezident Ulttyq qoǵamdyq senim keńesiniń otyrysynda.
Memleket basshysy Qazaqstanda qazirgi tańda oqýlyqtardyń sapasy óte nashar ekenin málim etti.
«Zańnamalyq túrde sol oqýlyqtardy jazatyn adamdardyń jaýapkershiligin bekitýdi tapsyramyn. Nashar oqýlyq daiyndadyń ba, jaramai qaldy ma – ony jazǵan adam jaýapkershiligin kóterýi kerek. Basqasha bolmaidy», - dedi Prezident.
