AQSh-tyń Aeronavtika jáne ǵarysh keńistigin zertteý jónindegi Ulttyq basqarmasy (NASA) Venerany zertteýge arnalǵan eki missiiany tańdady, dep habarlaidy Deutsche Welle.
Missiianyń maqsaty «Kún sáýlesinen ekinshi ornalasqan ǵalamshardyń «tozaq siiaqty álemge» qalai ainalǵanyn túsiný. Sebebi onyń Jermen uqsas tustary óte kóp delinedi» NASA-nyń 2 maýsymda jariialaǵan málimdemesinde.
Ár missiianyń daiyndyǵyna shamamen 500 million dollar bólindi. Ekeýi de 2028-2030 jyldarǵa josparlanǵan.
DAVINCI + missiiasynyń aiasynda sarapshylar negizinen kómirqyshqyl gazy men azottan turatyn planetanyń atmosferasyn zertteýge, sondai-aq Venerada muhittardyń bolǵan-bolmaǵanyn anyqtaýǵa nietti. VERITAS missiiasy Venera betin kartaǵa túsirýmen bailanysty bolady. Onyń aiasynda NASA Veneranyń geologiialyq tarihyn, bul planetanyń nelikten Jerden ózgeshe damyǵanyn zertteidi dep kútiledi. Amerika Qurama Shtattarynyń Venerany zertteý tarihy 1962 jyly Mariner-2 ǵarysh apparatyn jiberýden bastaldy.
Missiiasy Kúnnen ekinshi alys planetany zertteý bolǵan sońǵy amerikalyq apparat 1989 jyly Venera betin egjei-tegjeili kartaǵa túsirý maqsatynda iske qosylǵan Magellan boldy.
