NASA ǵarysh agenttigi usynylǵan tórt missiianyń ishinen ekeýin maquldaýy múmkin. Onyń ishinde Sholpan planetasy da bar. Ǵalymdardyń aitýynsha, bul planetadan tirshilik izderin anyqtaýǵa múmkindik bar, dep habarlaidy Reuters.
Halyqaralyq zertteýshiler toby Sholpannyń qyshqyldy bulttarynda bolýy múmkin mikrobtar jaily aitty. Oǵan dálel – fosfinniń qaldyqtary (jerdiń ottegi joq ortasynda bakteriialar shyǵaratyn gaz). Mundai derek tirshiliktiń planetamyzdan tys jerde de bar ekendiginiń mysaly bola alady. Aqpan aiynda ǵarysh agenttigi usynylǵan 4 missiiany tańdady, olar qazirgi ýaqytta qarastyrylýda. Eki missiia Sholpan planetasyna avtomatty zondtardy jiberýdi qarastyrady. Olardyń biri DAVINCI+ dep atalady jáne ol Sholpan planetasynyń atmosferasyn zertteidi.
Devid Grinspýn – DAVINCI+ missiiasymen jumys isteitin astrobiolog Davinci missiiasy Veneranyń atmosferasyn ishinen qarap, onda ne bolyp jatqanyn bilýge múmkindik beretinin aitty. Qalǵan úsh usynysqa IVO – Iýpiterdiń Io janartaý spýtnigine barý missiiasy; Trident – Neptýnnyń eń úlken spýtnigi Tritondy ainala ushý jáne VERITAS missiiasy – geologiialyq tarihty zertteý úshin Veneraǵa barý usynylǵan ekinshi missiia. NASA bir nemese eki missiia maquldanýy múmkin ekenin atap ótti.
Sondai-aq, osy ýaqytqa deiin Kún júiesindegi tirshilik izderin tabý áreketterinde Sholpan planetasy qarastyrylmaǵany aityldy. Osy jyldyń shildesinde NASA Mars planetasynda yqtimal tirshiliktiń izderin tabý úshin jańa býyn planetasyn iske qosty delingen.
NASA ákimshisi Djim Braidenstain Sholpanǵa nazar aýdaratyn ýaqyt keldi deidi. Ol sondai-aq missiialardy irikteý protsesi adal jáne ádil ótetinine senim bildirdi.
