ناسا عارىش اگەنتتٸگٸ ۇسىنىلعان تٶرت ميسسييانىڭ ٸشٸنەن ەكەۋٸن ماقۇلداۋى مٷمكٸن. ونىڭ ٸشٸندە شولپان پلانەتاسى دا بار. عالىمداردىڭ ايتۋىنشا, بۇل پلانەتادان تٸرشٸلٸك ٸزدەرٸن انىقتاۋعا مٷمكٸندٸك بار, دەپ حابارلايدى Reuters.
حالىقارالىق زەرتتەۋشٸلەر توبى شولپاننىڭ قىشقىلدى بۇلتتارىندا بولۋى مٷمكٸن ميكروبتار جايلى ايتتى. وعان دەلەل – فوسفيننٸڭ قالدىقتارى (جەردٸڭ وتتەگٸ جوق ورتاسىندا باكتەرييالار شىعاراتىن گاز). مۇنداي دەرەك تٸرشٸلٸكتٸڭ پلانەتامىزدان تىس جەردە دە بار ەكەندٸگٸنٸڭ مىسالى بولا الادى. اقپان ايىندا عارىش اگەنتتٸگٸ ۇسىنىلعان 4 ميسسييانى تاڭدادى, ولار قازٸرگٸ ۋاقىتتا قاراستىرىلۋدا. ەكٸ ميسسييا شولپان پلانەتاسىنا اۆتوماتتى زوندتاردى جٸبەرۋدٸ قاراستىرادى. ولاردىڭ بٸرٸ DAVINCI+ دەپ اتالادى جەنە ول شولپان پلانەتاسىنىڭ اتموسفەراسىن زەرتتەيدٸ.
دەۆيد گرينسپۋن – DAVINCI+ ميسسيياسىمەن جۇمىس ٸستەيتٸن استروبيولوگ Davinci ميسسيياسى ۆەنەرانىڭ اتموسفەراسىن ٸشٸنەن قاراپ, وندا نە بولىپ جاتقانىن بٸلۋگە مٷمكٸندٸك بەرەتٸنٸن ايتتى. قالعان ٷش ۇسىنىسقا IVO – يۋپيتەردٸڭ يو جانارتاۋ سپۋتنيگٸنە بارۋ ميسسيياسى; Trident – نەپتۋننىڭ ەڭ ٷلكەن سپۋتنيگٸ تريتوندى اينالا ۇشۋ جەنە VERITAS ميسسيياسى – گەولوگييالىق تاريحتى زەرتتەۋ ٷشٸن ۆەنەراعا بارۋ ۇسىنىلعان ەكٸنشٸ ميسسييا. ناسا بٸر نەمەسە ەكٸ ميسسييا ماقۇلدانۋى مٷمكٸن ەكەنٸن اتاپ ٶتتٸ.
سونداي-اق, وسى ۋاقىتقا دەيٸن كٷن جٷيەسٸندەگٸ تٸرشٸلٸك ٸزدەرٸن تابۋ ەرەكەتتەرٸندە شولپان پلانەتاسى قاراستىرىلماعانى ايتىلدى. وسى جىلدىڭ شٸلدەسٸندە ناسا مارس پلانەتاسىندا ىقتيمال تٸرشٸلٸكتٸڭ ٸزدەرٸن تابۋ ٷشٸن جاڭا بۋىن پلانەتاسىن ٸسكە قوستى دەلٸنگەن.
ناسا ەكٸمشٸسٸ دجيم برايدەنستاين شولپانعا نازار اۋداراتىن ۋاقىت كەلدٸ دەيدٸ. ول سونداي-اق ميسسييالاردى ٸرٸكتەۋ پروتسەسٸ ادال جەنە ەدٸل ٶتەتٸنٸنە سەنٸم بٸلدٸردٸ.
