NASA amerikalyq ǵarysh agenttigi óziniń astronavtary osy onjyldyqta Aiǵa ushatyn asa aýyr zymyranyn tolyq jinap, álemge alǵash ret kórsetti, dep habarlaidy VVS agenttigi.
Floridadaǵy Kennedi ǵarysh ortalyǵynyń injenerleri sýper zymyrannyń barlyq úsh negizgi elementin birinshi ret biriktire otyryp, Space Launch System (SLS, Ǵaryshtyq ushyrý júiesi) zymyranynyń 65 metrlik negizgi satysyn eki údetkishtiń arasyna túsirdi.
NASA biyl osy zymyrannyń alǵashqy ushyrylymyn josparlap otyr.
«Artemida-1 missiiasy» dep atalatyn bul ushyrylym barysynda SLS zymyrany jańa býyndaǵy «Orion» ǵarysh kemesin aiǵa aparady. Onda astronavttar bolmaidy: NASA aldymen búkil júieni ushqyshsyz rejimde synap kórgisi keledi, sodan keiin ǵana 2023 jyly ony borttaǵy adamdarmen birge ushyrmaq.
