ناسا امەريكالىق عارىش اگەنتتٸگٸ ٶزٸنٸڭ استروناۆتارى وسى ونجىلدىقتا ايعا ۇشاتىن اسا اۋىر زىمىرانىن تولىق جيناپ, ەلەمگە العاش رەت كٶرسەتتٸ, دەپ حابارلايدى ۆۆس اگەنتتٸگٸ.
فلوريداداعى كەننەدي عارىش ورتالىعىنىڭ ينجەنەرلەرٸ سۋپەر زىمىراننىڭ بارلىق ٷش نەگٸزگٸ ەلەمەنتٸن بٸرٸنشٸ رەت بٸرٸكتٸرە وتىرىپ, Space Launch System (SLS, عارىشتىق ۇشىرۋ جٷيەسٸ) زىمىرانىنىڭ 65 مەترلٸك نەگٸزگٸ ساتىسىن ەكٸ ٷدەتكٸشتٸڭ اراسىنا تٷسٸردٸ.
NASA بيىل وسى زىمىراننىڭ العاشقى ۇشىرىلىمىن جوسپارلاپ وتىر.
«ارتەميدا-1 ميسسيياسى» دەپ اتالاتىن بۇل ۇشىرىلىم بارىسىندا SLS زىمىرانى جاڭا بۋىنداعى «وريون» عارىش كەمەسٸن ايعا اپارادى. وندا استروناۆتتار بولمايدى: NASA الدىمەن بٷكٸل جٷيەنٸ ۇشقىشسىز رەجيمدە سىناپ كٶرگٸسٸ كەلەدٸ, سودان كەيٸن عانا 2023 جىلى ونى بورتتاعى ادامدارمەن بٸرگە ۇشىرماق.
