Foto: baq.kz
QR Parlamenti Májilisiniń depýtaty, jýrnalist Nartai Aralbaiuly “Sadaq aty” respýblikalyq dástúrli sadaq atý federatsiiasyna jańa prezident bolyp taǵaiyndaldy, dep habarlaidy Ult.kz.
2023 jyldan bastap federatsiia prezidenti laýazymyn atqarǵan Muqataev Aidos Ziiadulynyń qyzmetten ketýine bailanysty, 2025 jyldyń 28 tamyzynan bastap jańa prezident taǵaiyndaldy.
Sársenǵaliev Nartai Aralbaiuly, Qazaqstan Respýblikasy Parlamenti Májilisiniń Áleýmettik-mádeni damý komitetiniń múshesi, «Shapaǵat» medalimen marapattaldy (2021 j.), BAQ salasynda Qazaqstan Respýblikasynyń Prezidenti grantynyń iegeri, HHI halyqaralyq «Shabyt» festivaliniń Gran-Pri iegeri, «Tumar» syilyǵynyń 2 márte iegeri.
"Nartai Aralbaiuly, sport federatsiiasynyń prezidenti laýazymyna taǵaiyndalýyńyzben shynaiy yqylaspen quttyqtaimyz!
Sizdiń bul mártebeli qyzmetke kelýińiz – elimizdegi sport salasynyń júieli damýyna, halyqaralyq standarttarǵa sai ilgerileýine tyń serpin beretinine nyq senim bildiremiz.
Qoǵam igiligi jolyndaǵy bul asa jaýapty missiiańyzda qajymas qairat, saliqaly sheshimder, biik jetistikter men tolymdy tabystar tileimiz. Elimizdiń sport salasynyń damýyna qosar úlesińiz baiandy bolyp, abyroi-bedelińiz árdaiym biiktei bersin!" - delingen habarlamada.
