Batys Qazaqstan oblysyna jańa ákim taǵaiyndaldy, dep habarlaidy "Ult aqparat" Aqordanyń resmi saityna silteme jasap. 

"Nariman Tóreǵaliev Batys Qazaqstan oblysynyń ákimi laýazymyna taǵaiyndalsyn", - delingen Prezident Jarylyǵynda.

Ol bul qyzmette BQO-ny 2019 jyldan beri basqarǵan Ǵali Esqalievti almastyrdy. 

Tóreǵaliev 1964 jyly 19 shilde kúni Batys Qazaqstan oblysynyń Aqjaiyq aýdany Esensai aýylynda týǵan. Jambyl gidromeliorativtik-qurylys institýtyn (1990) injener-ekonomist, Kaspii qoǵamdyq ýniversitetin (2004) zańger mamandyqtary boiynsha bitirgen. Ekonomika ǵylymdarynyń magistri.

Eńbek jolyn «HVIII Partsezd» atyndaǵy aýylsharýashylyǵy birlestiginiń ekonomisti, bas ekonomisti (1990-1995) bolyp bastady.

«Aitievo» óndiristik kesheniniń jabdyqtaýshysy, ekonomisti, bas ekonomisti (1997-1999);

«Akjol» sharýa qojalyǵynyń basshysy (1999-2001);

Batys Qazaqstan oblysy Terekti aýdany eńbek jáne halyqty áleýmettik qorǵaý bóliminiń bastyǵy (2001-2002);

Oral qalasyndaǵy jalpy úlgidegi internat úiiniń direktory (2002-2003);

Batys Qazaqstan oblysy jumyspen qamtý jáne halyqty áleýmettik qorǵaý basqarmasy bastyǵynyń orynbasary (2003-2005);

Batys Qazaqstan oblysy jumyspen qamtý jáne áleýmettik baǵdarlamalardy úilestirý departamenti direktorynyń orynbasary (2005-2008);

Qazaqstan Respýblikasy Tabiǵi monopoliialardy retteý agenttigi Batys Qazaqstan oblysy boiynsha departamentiniń direktory (2008-2010);

Batys Qazaqstan oblysy jumyspen qamtý jáne áleýmettik baǵdarlamalar basqarmasynyń bastyǵy (2010-2012);

Batys Qazaqstan oblysy Aqjaiyq aýdanynyń ákimi (2012-2015);

Batys Qazaqstan oblysy ákiminiń orynbasary (2015-2016);

Oral qalasynyń ákimi (2016-2017) laýazymdaryn atqardy.

Buǵan deiin Qazaqstan Respýblikasy Parlamenti Senatynyń depýtaty boldy.