Almatyda vaktsinalaý qarqynyn arttyrý qajet, óitkeni jaǵdai nasharlaýy múmkin. Bul týraly qalalyq qoǵamdyq densaýlyq basqarmasynyń basshysy Nariman Tabynbaev aitty, dep habarlaidy QazAqparat.
Onlain brifing barysynda basqarma basyshysy koronavirýs infektsiianyń «tórtinshi tolqyny» áli aiaqtalmaǵanyn eske saldy.
«Epidemiialyq jaǵdaidyń jaqsarýy koronavirýstyń tórtinshi tolqyny aiaqtaldy degendi bildirmeidi.Sondyqtan vaktsinalaý qarqynyn arttyrý kerek, óitpegen jaǵdaida virýs qaita órshýi múmkin. Búginde vaktsinanyń birinshi komponentin 899 784 adam, ekinshi komponentin 779 870 turǵyn»,- dedi ol.
Spikerdiń sózinshe, bul jetkiliksiz, óitkeni ujymdyq immýnitet áli qalyptaspady.
«Eger biz indetke qarsy sharalardy saqtamasaq, epidemiologiialyq jaǵdai ushyǵyp ketedi. Ásirese, qazir oqýshylar men stýdentter oflain oqýǵa kóshken kezde saq bolýymyz kerek», - dedi Nariman Tabynbaev.
