الماتىدا ۆاكتسينالاۋ قارقىنىن ارتتىرۋ قاجەت, ٶيتكەنٸ جاعداي ناشارلاۋى مٷمكٸن. بۇل تۋرالى قالالىق قوعامدىق دەنساۋلىق باسقارماسىنىڭ باسشىسى ناريمان تابىنباەۆ ايتتى, دەپ حابارلايدى قازاقپارات.
ونلاين بريفينگ بارىسىندا باسقارما باسىشىسى كوروناۆيرۋس ينفەكتسييانىڭ «تٶرتٸنشٸ تولقىنى» ەلٸ اياقتالماعانىن ەسكە سالدى.
«ەپيدەمييالىق جاعدايدىڭ جاقسارۋى كوروناۆيرۋستىڭ تٶرتٸنشٸ تولقىنى اياقتالدى دەگەندٸ بٸلدٸرمەيدٸ.سوندىقتان ۆاكتسينالاۋ قارقىنىن ارتتىرۋ كەرەك, ٶيتپەگەن جاعدايدا ۆيرۋس قايتا ٶرشۋٸ مٷمكٸن. بٷگٸندە ۆاكتسينانىڭ بٸرٸنشٸ كومپونەنتٸن 899 784 ادام, ەكٸنشٸ كومپونەنتٸن 779 870 تۇرعىن»,- دەدٸ ول.
سپيكەردٸڭ سٶزٸنشە, بۇل جەتكٸلٸكسٸز, ٶيتكەنٸ ۇجىمدىق يممۋنيتەت ەلٸ قالىپتاسپادى.
«ەگەر بٸز ٸندەتكە قارسى شارالاردى ساقتاماساق, ەپيدەميولوگييالىق جاعداي ۇشىعىپ كەتەدٸ. ەسٸرەسە, قازٸر وقۋشىلار مەن ستۋدەنتتەر وفلاين وقۋعا كٶشكەن كەزدە ساق بولۋىمىز كەرەك», - دەدٸ ناريمان تابىنباەۆ.
