Atyraý oblysyna QR Densaýlyq saqtaý vitse-ministri Lázzat Aqtaeva bastaǵan bir top maman keldi, dep habarlaidy "Ult aqparat".
«Qazirgi ýaqytta reanimatolog dárigerler, neonatologtar, akýsher-ginekologtar keldi. Olardyń arasynda Pediatriia jáne balalar hirýrgiiasy ulttyq ǵylymi ortalyǵynyń direktory Riza Boranbaeva da bar. Barlyǵy – jeti maman. Olardan bólek, respýblikalyq ortalyqtardyń mamandary, Nur-Sultan qalasynyń Ana men bala ulttyq ǵylymi ortalyǵynyń akýsher-ginekology men anesteziolog-reanimatology keldi», - deidi Atyraý oblysy Densaýlyq saqtaý basqarmasynyń basshysy Mánshúk Aimurzieva.
Onyń aitýynsha, 2019 jyldyń basynan beri Atyraýda qalalyq perzenthanany ekinshi deńgeiden úshinshi deńgeige ótkizý jumysy júrip jatyr. Osy maqsatta oblystyq perinataldyq ortalyqtyń anesteziolog-reanimatology osynda aýystyrylǵan, eki neonatolog, tájiribeli mamandar qabyldanǵan. Aqtóbe oblysynan taǵy eki neonatolog maman keledi.
M. Aimurzievanyń sózine qaraǵanda, oblystyq perinataldyq ortalyq ta kúsheitiledi. Ketken dárigerlerdiń ornyna Atyraýdan, elimizdiń basqa óńirinen mamandar tartylady.
Eske sala ketsek, Atyraý oblystyq perinataldy ortalyǵynyń basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilindi.
Sybailas jemqorlyqqa qarsy is-qimyl agenttiginiń habarlaýynsha, dárigerler náreste ólimi faktisin jabý úshin para bermek bolǵan.
