Aqtóbe oblysyndaǵy munai kenishterine servistik qyzmet kórsetetin qytailyq "M-Tehservis" kompaniiasyndaǵy jumysshylar narazylyǵynan soń jalaqy 15-33 paiyzǵa kóbeietin boldy. Bul aqparatty jumysshylar habarlady, dep jazady Azattyq.
«Biz 21 aqpannan bastap jumysqa qaita kiristik» dedi «M-Tehservis» kompaniiasynyń uńǵyma jóndeý boiynsha operatory Qarjaý Qaliev.
Altynshy razriady bar operator osyǵan deiin ai saiyn 180-200 myń teńge jalaqy alyp júrgen.
- Jasym 61-de. Balalarym aiaqtandy. Sonyń ózinde jalaqym as-sýdan artylmai, qinalyp júrdim. Balaly-shaǵaly, páterlerin nesiege alǵan janymdaǵy jas jigitter menen beter qinalatyn. Osy sebepti keshe kenishtegi jumysty toqtatýǵa májbúr boldyq. Uzaqqa sozylǵan kelissózderden soń jalaqymyz kóbeietin boldy. Kompaniia basshylary narazylyq tanytqan jumysshylardy qýdalamaýǵa ýáde berdi, – deidi Qarjaý Qaliev.
«M-Tehservis» kompaniiasynyń Aqtóbedegi bólimshesi jumysshylarynyń jalaqysy 15-33 paiyzǵa kóbeietinin Aqtóbe oblysy ákiminiń orynbasary Qairat Bekenov te rastap otyr. 1 naýryzdan bastap «M-Tehservis» kompaniiasynyń keńsede otyratyn qyzmetkerleriniń jalaqysyna - 15 paiyz, kenishte aýyr jumys isteitin jumysshylar jalaqysy 33 paiyz qosylady. Onyń aitýynsha, qazir kompaniianyń Aqtóbedegi filialynda 500 jumysshy isteidi, olardyń 90 paiyzyn - burǵylaýshy, injener, operatorlar siiaqty "aýyr jumys isteitin" mamandar quraidy.
Qairat Bekenovtiń sózinshe, ol 20 aqpan kúni keshke Keńqiiaqtaǵy kenishke baryp, narazy jumysshylarmen kezdesken. Keńqiiaqqa jetkenshe jol boiy «M-Tehservis» kompaniiasynyń Qytaidaǵy quryltaishylarymen telefonmen kelissóz júrgizip, jumysshylar talabyn jetkizgen.
- «M-Tehservis» munai óndirmeidi. Servistik qyzmet kórsetetin kompaniia. Ekonomikalyq múmkindikteri shekteýli bolǵandyqtan kompaniia jumysshylar talabyn birden oryndai almaǵan. Osydan keiin oblys basshysy Ońdasyn Orazalin «M-Tehservis» kompaniiasyna tapsyrys berýshi iri óndiris «SNPS-Aqtóbemunaigaz» aktsionerlik qoǵamymen kelissóz júrgizip, 2020 jylǵy naýryz aiynan bastap tariftik jospardy 8-10 paiyzǵa ósirýge qol jetkizdi. Iaǵni, servistik qyzmetke tólenetin tarifti kóbeitý arqyly jumysshylar talabyn oryndaý múmkin bolyp otyr, - deidi Qairat Bekenov.
Beisenbi iaǵni, 20 aqpanda Aqtóbe oblysy Keńqiiaq kenishinde "M-Tehservis" kompaniiasynyń elýge tarta jumysshysy tańerteńnen bastap jumysqa shyqpai, jalaqyny 33 paiyzǵa deiin kóbeitýdi talap etken bolatyn. Jumysshylar narazylyq aktsiiasyn ótkizbei turyp, kompaniianyń kásipodaq komiteti men basshylaryna ózderiniń talaptaryn jetkizgen. Biraq másele sheshilmegen.
"M-Tehservis" - 2003 jyly Aqtóbe qalasynda tirkelgen qytailyq mekeme. Ol "Mańǵystaýmunaigaz" igerip jatqan Mańǵystaý oblysyndaǵy Bozashy jáne Jetibai, "SNPS-Aqtóbemunaigaz" kompaniiasynyń Keńqiiaq kenishindegi munai uńǵymalaryn jóndeý boiynsha qyzmet kórsetedi.
