اقتٶبە وبلىسىنداعى مۇناي كەنٸشتەرٸنە سەرۆيستٸك قىزمەت كٶرسەتەتٸن قىتايلىق "م-تەحسەرۆيس" كومپانيياسىنداعى جۇمىسشىلار نارازىلىعىنان سوڭ جالاقى 15-33 پايىزعا كٶبەيەتٸن بولدى. بۇل اقپاراتتى جۇمىسشىلار حابارلادى, دەپ جازادى ازاتتىق.
«بٸز 21 اقپاننان باستاپ جۇمىسقا قايتا كٸرٸستٸك» دەدٸ «م-تەحسەرۆيس» كومپانيياسىنىڭ ۇڭعىما جٶندەۋ بويىنشا وپەراتورى قارجاۋ قاليەۆ.
التىنشى رازريادى بار وپەراتور وسىعان دەيٸن اي سايىن 180-200 مىڭ تەڭگە جالاقى الىپ جٷرگەن.
- جاسىم 61-دە. بالالارىم اياقتاندى. سونىڭ ٶزٸندە جالاقىم اس-سۋدان ارتىلماي, قينالىپ جٷردٸم. بالالى-شاعالى, پەتەرلەرٸن نەسيەگە العان جانىمداعى جاس جٸگٸتتەر مەنەن بەتەر قينالاتىن. وسى سەبەپتٸ كەشە كەنٸشتەگٸ جۇمىستى توقتاتۋعا مەجبٷر بولدىق. ۇزاققا سوزىلعان كەلٸسسٶزدەردەن سوڭ جالاقىمىز كٶبەيەتٸن بولدى. كومپانييا باسشىلارى نارازىلىق تانىتقان جۇمىسشىلاردى قۋدالاماۋعا ۋەدە بەردٸ, – دەيدٸ قارجاۋ قاليەۆ.
«م-تەحسەرۆيس» كومپانيياسىنىڭ اقتٶبەدەگٸ بٶلٸمشەسٸ جۇمىسشىلارىنىڭ جالاقىسى 15-33 پايىزعا كٶبەيەتٸنٸن اقتٶبە وبلىسى ەكٸمٸنٸڭ ورىنباسارى قايرات بەكەنوۆ تە راستاپ وتىر. 1 ناۋرىزدان باستاپ «م-تەحسەرۆيس» كومپانيياسىنىڭ كەڭسەدە وتىراتىن قىزمەتكەرلەرٸنٸڭ جالاقىسىنا - 15 پايىز, كەنٸشتە اۋىر جۇمىس ٸستەيتٸن جۇمىسشىلار جالاقىسى 33 پايىز قوسىلادى. ونىڭ ايتۋىنشا, قازٸر كومپانييانىڭ اقتٶبەدەگٸ فيليالىندا 500 جۇمىسشى ٸستەيدٸ, ولاردىڭ 90 پايىزىن - بۇرعىلاۋشى, ينجەنەر, وپەراتورلار سيياقتى "اۋىر جۇمىس ٸستەيتٸن" ماماندار قۇرايدى.
قايرات بەكەنوۆتٸڭ سٶزٸنشە, ول 20 اقپان كٷنٸ كەشكە كەڭقيياقتاعى كەنٸشكە بارىپ, نارازى جۇمىسشىلارمەن كەزدەسكەن. كەڭقيياققا جەتكەنشە جول بويى «م-تەحسەرۆيس» كومپانيياسىنىڭ قىتايداعى قۇرىلتايشىلارىمەن تەلەفونمەن كەلٸسسٶز جٷرگٸزٸپ, جۇمىسشىلار تالابىن جەتكٸزگەن.
- «م-تەحسەرۆيس» مۇناي ٶندٸرمەيدٸ. سەرۆيستٸك قىزمەت كٶرسەتەتٸن كومپانييا. ەكونوميكالىق مٷمكٸندٸكتەرٸ شەكتەۋلٸ بولعاندىقتان كومپانييا جۇمىسشىلار تالابىن بٸردەن ورىنداي الماعان. وسىدان كەيٸن وبلىس باسشىسى وڭداسىن ورازالين «م-تەحسەرۆيس» كومپانيياسىنا تاپسىرىس بەرۋشٸ ٸرٸ ٶندٸرٸس «سنپس-اقتٶبەمۇنايگاز» اكتسيونەرلٸك قوعامىمەن كەلٸسسٶز جٷرگٸزٸپ, 2020 جىلعى ناۋرىز ايىنان باستاپ تاريفتٸك جوسپاردى 8-10 پايىزعا ٶسٸرۋگە قول جەتكٸزدٸ. ياعني, سەرۆيستٸك قىزمەتكە تٶلەنەتٸن تاريفتٸ كٶبەيتۋ ارقىلى جۇمىسشىلار تالابىن ورىنداۋ مٷمكٸن بولىپ وتىر, - دەيدٸ قايرات بەكەنوۆ.
بەيسەنبٸ ياعني, 20 اقپاندا اقتٶبە وبلىسى كەڭقيياق كەنٸشٸندە "م-تەحسەرۆيس" كومپانيياسىنىڭ ەلۋگە تارتا جۇمىسشىسى تاڭەرتەڭنەن باستاپ جۇمىسقا شىقپاي, جالاقىنى 33 پايىزعا دەيٸن كٶبەيتۋدٸ تالاپ ەتكەن بولاتىن. جۇمىسشىلار نارازىلىق اكتسيياسىن ٶتكٸزبەي تۇرىپ, كومپانييانىڭ كەسٸپوداق كوميتەتٸ مەن باسشىلارىنا ٶزدەرٸنٸڭ تالاپتارىن جەتكٸزگەن. بٸراق مەسەلە شەشٸلمەگەن.
"م-تەحسەرۆيس" - 2003 جىلى اقتٶبە قالاسىندا تٸركەلگەن قىتايلىق مەكەمە. ول "ماڭعىستاۋمۇنايگاز" يگەرٸپ جاتقان ماڭعىستاۋ وبلىسىنداعى بوزاششى جەنە جەتٸباي, "سنپس-اقتٶبەمۇنايگاز" كومپانيياسىنىڭ كەڭقيياق كەنٸشٸندەگٸ مۇناي ۇڭعىمالارىن جٶندەۋ بويىنشا قىزمەت كٶرسەتەدٸ.
