Dini ádebietti jáne dini mazmundaǵy ózge de aqparattyq materialdardy, dini maqsattaǵy zattardy taratý úshin arnaiy statsionarlyq úi-jailardyń, sondai-aq ǵibadat úilerinen (ǵimarattarynan) tys jerlerde dini is-sharalardy ótkizýge arnalǵan úi-jailardyń ornalastyrylýyn aiqyndaý jónindegi Jańa nusqaýlyq qabyldandy.
Qazaqstan Respýblikasy Din isteri jáne azamattyq qoǵam ministri N. Ermekbaevtiń 2013 jylǵy 9 maýsymdaǵy «Dini ádebietti jáne dini mazmundaǵy ózge de aqparattyq materialdardy, dini maqsattaǵy zattardy taratý úshin arnaiy statsionarlyq úi-jailardyń, sondai-aq ǵibadat úilerinen (ǵimarattarynan) tys jerlerde dini is-sharalardy ótkizýge arnalǵan úi-jailardyń ornalastyrylýyn aiqyndaý jónindegi nusqaýlyqty bekitý týraly» № 89 buiryǵy 2017 jylǵy 3 tamyzda Ádilet ministrliginde resmi memlekettik tirkeýden ótti.
Osy Statsionarlyq úi-jailardyń jáne dini is-sharalardy ótkizýge arnalǵan úi-jailardyń ornalastyrylýyn aiqyndaý týraly Nusqaýlyqta birqatar jańalyqtar men ózgerister bar.
Nusqaýlyqtyń qabyldanýymen ǵibadat úilerinen (ǵimarattarynan) tys jerlerde dini is-sharalardy ótkizýge arnalǵan úi-jailardyń (namazhana) ashylýyna qatysty talaptar kúsheitildi.
Sonymen qatar, ǵibadat úilerinen (ǵimarattarynan) tys jerlerde dini is-sharalardy ótkizýge arnalǵan úi-jailarda (namazhana) dini paryzdaryn oryndaýshylarǵa laiyqty qyzmet kórsetilýine erekshe nazar aýdaryldy.
Atap aitqanda, úi-jaidyń (namazhananyń) jalpy aýdany 20 sharshy metrden bastap 100 sharshy metrge deiin bolýy, dáret alý úshin qajetti sanitarlyq torappen qamtamasyz etilýi, qoldanystaǵy zańnamalarǵa sáikes sanitariialyq-epidemiologiialyq saladaǵy normativtik quqyqtyq aktilerge sai kelýi jáne kúzetti basqarý pýltyna tikelei shyǵatyn, dini is-sharalardy ótkizýge arnalǵan úi-jaidy tolyq qamtityn beinekameralarmen jabdyqtalýy sekildi talaptar engizildi.
Joǵaryda atalǵan talaptarǵa jaýap bere almaǵan jaǵdaida úi-jailar (namazhana) ashýǵa jol berilmeidi jáne múny jergilikti atqarýshy organdar ózderiniń qatań baqylaýynda ustaityn bolady.
Sondai aq, temir jol jáne avtovokzaldar, áýejailar men porttarda dini is-sharalardy ótkizýge arnalǵan úi-jailardyń ornalasýyna qatysty talap etiletin 300 metr alynyp tastaldy. Bul shara da saparda júrgen azamattardyń ózderiniń dini qulshylyqtaryn oryndaýlaryna yńǵaily jaǵdai jasaýdan týyndady.
Jalpy alǵanda, jańadan qabyldanǵan nusqaýlyq azamattardyń zańda kórsetilgen quqyqtary men bostandyqtaryn qamtamasyz etýge baǵyttalyp qabyldanǵanyn atap kórsetýge bolady.
