Sybailas jemqorlyqqa qarsy is-qimyl agenttiginiń janynan qurylǵan respýblikalyq aqparattyq-aǵartý shtabynyń tóraiymy, «Altyn sapa» syilyǵynyń iegeri, «Qurmet» ordeniniń kavaleri, «Qazaqstannyń eń úzdik óniminiń» 5 dúrkin jeńimpazy Yrza Tursynzada Memleket basshysynyń Joldaýyna qatysty pikir bildirdi, dep habarlaidy astana.kz.
Ol Prezident Qasym-Jomart Toqaevtyń koronavirýs indeti jaǵdaiyndaǵy Joldaýy halyqqa senim uialatqanyn, biraz kókeitesti, kúrdeli máselelerdiń túiinin sheshkenin atap ótti.
Jemqorlyq – ultymyzǵa jat dúnie. Osy oraida, Prezident óz Joldaýynda qoǵamnyń damýyna, eldiń ekonomikalyq-saiasi damýyna kedergi keltiretin jemqorlyqtan qutylý tetikterin atap ótti. Agenttik parasat, adaldyq, tazalyqty dáripteýde úlken qyzmet atqarýda. Denemen sot organdaryna tapsyrǵannyń ózinde jazasynan qutylyp ketetinder bar. Qamaýǵa alynǵandar merziminen buryn shyǵyp jatyr. Árine, osydan keiin jemqorlyqty toqtatý múmkin emes. Prokýratýra, sot, agenttik, Prezident, búkil halyq tabandylyq tanytyp, ulttyq qozǵalys jasaýymyz kerek», – dedi Yrza Tursynzada.
Bul rette spiker Prezidenttiń qamaýǵa alynǵandardy merziminen buryn bostandyqqa shyǵarmaý týraly usynysyn tilge tiek etti.
«Bul usynystyń astarynda sanany oiatý máselesi jatyr. Memleket basshysynyń quqyq qorǵaý organdaryn synǵa alýy óte oryndy. Sebebi sot, prokýratýra ókilderi jemqorlyqpen ustalǵandardyń jazasyn jeńildetip, sytylyp ketýine múmkindik berdi. Endi bul zań júzinde qadaǵalanatyn bolady. Sondai-aq jemqorlyqpen ustalǵandardyń memlekettik, kvazimemlekettik sektorda jumys isteýine tiym salynǵany, sol boiynsha naqty tapsyrmalar berilgeni de quptarlyq jaǵdai. Kei adamdar jemqorlyq derekterin kóre tura, ony aitýdy namys sanaidy. Bul – jalǵan namys. Memleket qarjysyn jymqyrǵan qylmyskerdi qorǵaý – Otandy satý degen sóz. Osyǵan bailanysty Prezident sybailas jemqorlyq týraly habar berip, agenttikpen birigip jumys isteitin adamdardy zań júzinde qorǵaityn júie qalyptastyrý keregin naqty atap ótti», – dedi Y.Tursynzada.
Sonymen qatar ol qoǵamdyq baqylaýǵa qatysty Prezident bastamasynyń airyqsha ózektiligine toqtaldy.
«Joldaýda memlekettik organdar men kvazimemlekettik sektordyń qoǵam aldyndaǵy jaýapkershiligi, esep berýi, qoǵamdyq qadaǵalaýdy zań júzinde bekitý kerektigi aityldy. Qoǵamdyq baqylaý búgingi tańda asa qajet. Búkil qoǵam bolyp qarajattyń qaida jumsalyp jatqanyn qadaǵalap otyrsaq, elimizdiń damýyna birigip úles qosar edik. Qoǵamdyq keńesterdiń mańyzy kún sanap artýda. Qoǵam men memleket arasyndaǵy bailanys kúsheiýde. Prezident eldiń muń-muqtajyn tyńdaityn memleket qalyptastyrý jaily aitty.
Bul Joldaýda kásipkerlikke erekshe qoldaý kórsetildi. Eldegi kásipkerlik týraly aqparatqa qanyq ekeni baiqaldy. Sýbsidiia máselesine, pandemiia kezinde tabysynan airylǵan kásipkerlerge úlken mán berildi. Bul «Uran-joldaý» emes, naǵyz qiyn shaqta qoldaý bolǵan Joldaý. Osy qoiylǵan maqsattyń barlyǵy oryndalsa, biz búgingi synaqtan el bolyp birigip, ult bop uiysyp ótetinimizge kámil senemin», – dep túiindedi Y.Tursynzada.
