Japoniianyń Nagoia qalasyn rekordtyq nóser jańbyrdan keiin sý basty, dep habarlaidy ult.kz.
Bir saǵat ishinde qalada 104,5 mm jaýyn-shashyn túsken. Bul 2000 jyly tirkelgen aldyńǵy rekordtan (97 mm) asyp tústi. Qaladaǵy metro jelisiniń jumysy tolyq toqtatyldy, dep habarlady Nikkei gazeti.
Sionai ózeninde sý tasqyny qaýpine bailanysty eskertýdiń eń joǵary, 5-deńgeii jariialandy.
Qatty nóserge kúzgi atmosferalyq front pen tropikalyq depressiianyń áseri sebep bolǵan. Sinoptikterdiń boljamynsha, front Japoniianyń batysy men shyǵysynda 10 qyrkúiekke deiin saqtalady. Osyǵan bailanysty nóser jańbyrdyń jalǵasýy múmkin.
